بلاش معاندة - سيد مكاوي
لأ يا حبيبي لأ بلاش معاندة
خليك معايا على الزمن ده
ليه بتكايدني كده بس ليه
شوف انت قلبي بيحب ايه
يا يكون الحب اخلاص من القلب
يا نشيل ده من ده يرتاح ده عن ده
سيبك من اللي بينقلولك
كلام عليا ويكدبولك
قدام صراحتي فكر في راحتي
قدام صراحتي فكر في راحتي
انا حبيبك ما نيش عازولك
قدرني واوعى من الملاوعه
هي الملاهده فيه منها فايده
يا يكون الحب اخلاص من القلب
يا نشيل ده من ده يرتاح ده عن ده
افتحلي قلبك صارح وقولي
مش عقلك اللي ظالم تمللي
وكون يا غالي عالي الجبال
وخلي نفسك مكاني خللي
ما تقيدش ناري ليلي ونهاري
وكأن ايدك في ميه بارده
يا يكون الحب اخلاص من القلب
يا نشيل ده من ده يرتاح ده عن ده
اثبتلي انك صحيح حبيبي
حاسس بقلبي قوي وداريبي
مش كل ما ده تعاند زياده
وجراحي تبقى بإدين طبيبي
اقبل عتابي وافهم عذابي
قبل اما تجني على الموده
يا يكون الحب اخلاص من القلب..
يا نشيل ده من ده يرتاح ده عن ده
كلمات: عبد الوهاب محمد
الحان: سيد مكاوي