ما على العاشق ملام - محمد رشدي
ما على العاشق ملام
كل من نامت عيونه
يحسب العاشق ينام
والله انا عاشق ودايب
ما على العاشق ملام
الأسمراني بالعيون صابني ورماني
الأسمراني بالكلام يا ناس غواني
والكلام ميلنى يابا
قولتله ما تقولي تاني
ما على العاشق ملام
مين يا ناس في العشق خالي
مين يا ناس
مين ما تعبتهوش الليالي
مين يا ناس
ياللي ما دقتوش تعب يوم اللي دقته
ياللي ما شوفتوش غير اللي شوفته
ده الغريب ما يحس إلا بالغريب
والحبيب مالوش طريق غير الحبيب
بالكلام ميلنى يابا
قولتله ما تقولي تاني
ما على العاشق ملام
يا طير مسافر يا قلبي
عطشان وبحر الشوق عذاب مالهوش آخر
من الحبايب فرحنا من الحبايب شقينا
زمن بيحضن فرحنا زمن بيقسى علينا
ده الغريب ما يحس إلا بالغريب
والحبيب مالوش طريق غير الحبيب
بالكلام ميلني يابا
قولتله ما تقولي تاني
ما على العاشق ملام
كلمات: عبد الرحيم منصور
ألحان: بليغ حمدي