ليل يا ليل يا سلام على الليل 

والطيور بتغني والجو جميل

فريد :

يا اللي تحبوا الليل النادي

ياللي تناجوا الطير الشادي

غنوا معايا وقولوا

ليل يا ليل يا سلام على الليل

والطيور بتغني والجو جميل

أسمهان:

الليل وادي العشاق 

يتلوع فيه قلب المشتاق

يااللي كواكوا الحب في ناره 

ياللي سقاكوا الشوق أسراره

غنوا معايا وقولوا

ليل يا ليل يا سلام على الليل 

والطيور بتغني والجو جميل

فريد:

الليل ما احلى نجومه 

تنسي المهموم كل همومه

يالي ضناكم حال الايام 

الدنيا دي كلها أوهام

غنوا معايا وقولوا

ليل يا ليل ياسلام على الليل 

والطير بتغني والجو جميل

فريد:

يا نسيم إحمل سلامي 

للي مال قلبي إليه

اشتكيله من هيامي 

وانشغال فكري عليه

قضيت نهاري اناجي طيفك

اقول لروحي امتى اشوفك 

والقرب يحلى من غير عازول

لما حواني الليل وداب في قلبي الميل

مريت على بيتك وحدي اغني من شدة وجدي

وجيت اناجيك بلحني والحب ظاهر في عيني

يمــكن فؤادك يرحمني وتطلي وتردي عليا

اسمهان:

اهلاً بنور العين اللي عصب قلبه وجاني

احنا سوا الاتنين يا فرحة القلب الهاني
الكون صفى والجو اهو راق
من غير رقيب يحكي وعازول
تعالى بادلني الاشواق 
وطمن البال المشغول

فريد: 
قوليلي ايه غير حالك 
ومحير الدمع في عينيك
ما تطمنيني على حالك
في شيء جرى بيني وبينك

اسمهان:
الود بين قلبي وقلبك دايماً موصول
وليه يلوعني في حبك حاسد وعازول

فريد:
مين اللي يقدر يحرمنا 
من نعمة الود الباقي
مادام كاس الاخلاص بينا
شربته من كاس الساقي

اسمهان:
حنظل نذير الشؤوم عايز اكون له حليلة
بده ياخدني اليوم غصباً وما بيدي حيلة

فريد: 
مين اللي قال ان الجمال يصبح آسير
ما تفكريش ده شيء محال لو كان امير
ده انا بنيت كل آمالي على هواكي
وافديكي بالروح الغالي واعيش معاكي

حنظل:
يا قرنفل بدي اعجل بالزفاف من عتب
واخرج بها من دي البلد اللي لقيت فيها النكد
طول النهار اسمع غزل ربالي في القلب العلل
شبان حلوين رايحين جايين 
يغنوا للبنت الحلوة تسمع لغات
واهو كل من تفهم غنوة تعشق غناه
اقولك الحق انا ما اغيرش 
من حد عمري الا الشباب 
وبدي ساعة تيجي ما اشوفش 
واحد يسبب دي العذاب

اسمع يا قرنفل:
ما تعرفش راجل اقدر ابيعله بيتي الي ساكن 
جنابك انت  في شقة منه
لو كنت تسعى وتلاقي واحد ابيعله البيت بكرة
عمري ما اطالبك بالباقي
عليك يا عمي من الاجرة
وبعد بكرة تروح دوغري جايب المأذون
ونعقد العقد ونجري والصعب يهون
واعيش معاها بعيد عن الشبان
واقضي عمري سعيد والدنيا هناء
اوعى تنسى تجيبلي معاك صبغة 
تكون حلوة جميلة ادهن بيها شعري ودقني
اشوف للمشكلة حيلة
وخلي بالك يا قرنفل من اللي بيغنوا تحت الشبابيك
احسن انا عقلي مبجل من الشبان دول 
الله لا يوريك

فريد لقرنفل:
خلي بالك معايا البيت ده عايز اشتريه
وحتفضل برده انت فيه 
من غير ما اطلب اي حاجة اسمها اجرة
بس الغرض ليا حاجة تخلص بكرة
تفهم المأذون ان اللي راح ياخد عتب
ناصر ما هوش حنظل
وتعزم كل واحد للزفاف انا اعتمادي عليك
والأمر اهو بين ايديك

فريد يغني:
الحب الحب ده نعيم القلب
هني الولهان بحبيبه يا رب
اعز شيء في الكون كله
جميل تحبه وتتمناه
مادام يميلك وتميله 
تعيش في جنة وتتهنى
تسعد بهواه وتفوز برضاه
وتنام مرتاح والبال وياك
هو ربيع الحياة والعشق يا ما احلاه

حنظل: 
اما صحيح قلة ادب

الكورال:
وانت كمان امرك عجب
شايب وعايب يا غلبان
عمال تحب وتودد
 ده الحب مخلوق للشبان
مش للعجوز المتبهدل
الحب الحب ده نعيم القلب
هني الولهان بحبيبه يا رب