سمارة - نجاة الصغيرة
سمارة .. ليه الحلو بيتدارى
دوبني فى دموع الشوق
خلى عيوني سهارى .. سمارة يا سمارة
ليالي وليالي يا قلبي قضيتها في حيرة
أطفي اشتياقي وناري بدموعي الكتيرة
وأحايل في قلبي وأحايل في طيفك
وأصبح لقلبي ولطيفك أسيرة
ودموعي الحيارى بتنده سمارة .. سمارة
الشوق والمحبة في قلبي
والدمع في عيوني
والفرحة وراحة بالي من بعدك فاتوني
وليل اشتياقي .. بيداري صباحه
وأنا في انتظارك مهما حيلوموني
واستنى أمارة تيجي من سمارة .. سمارة
يا خمري طول عمر قلبي بيعشق سمارك
وبيعشق عذابه وفرحه من نورك ونارك
بيسامحك وينسى .. ويفكر في حبك
ويقضي حياته .. يقاسي انتظارك
لو يلمح إشارة .. بيغني لسمارة .. سمارة
سمارة .. ليه الحلو بيتدارى
دوبني فى دموع الشوق
خلى عيوني سهارى .. سمارة يا سمارة
كلمات : محمد حلاوه
لحن : كمال الطويل