تتر مسلسل ابو العلا البشري - علي الحجار
ما تمنعوش الصادقين عن صدقهم
ولا تحرموش العاشقين من عشقهم
كل اللى عايشين للبشر من حقهم
يقفوا و يكملوا
يمشوا و يتكعبلوا
ويتوهوا أو يوصلوا
واذا كنا مش قادرين نكون زيهم
نتأمل الأحوال .. و نوزن الأفعال
يمكن اذا صدقنا نمشي فى صفهم
الدنيا مالها ولا احنا مالنا
ولا الزمان نسانا ايه جرالنا
بقينا نحبس فى السطور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين اذا بكيوا
ونحسد الباكيين اذا ضحكوا
كلمات: عبد الرحمن الابنودى
الحان: عمار الشريعى