تراهني - فايزة احمد
تراهني يا حبيب ايامي
لو قربك غاب عني سنين
ايامنا حتجيبك تاني
ايام الماضي الحلوين
تراهني .. انا وقلبي
تراهني .. على حبي .. يا حبيبي
لو غبنا سنين قدامنا .. فى سنين جايين
وحنرجع على شوق وحنين
يا حبيبي .. تراهني .. تراهني
انا شايلالك حب كبير
وانت سايبلي حاجات كتير .. حاجات كتير
الهمسة .. والكلمة .. واللمسة .. والضحكة
فى ايديا .. فى عينيا
وانا رايحة وانا جاية
وليالي حلوه عايزينك
يصحو من النجمه فاكرينك
بسمار الشمس على جبينك
وصباح الحب على عيونك
تراهني .. انا وقلبي
تراهني .. على حبي .. يا حبيبي
لو غبنا سنين قدامنا .. فى سنين جايين
وحنرجع على شوق وحنين
يا حبيبي .. تراهني .. تراهني
تعرف انت الحب عندي زي إيه
زي عمري .. يمكن اكثر .. يمكن
يعني لا انت ولا انا نقدر عليه
وابعد انت ان كنت تقدر
بس مش ممكن حتقدر
انا مهما تغيب دايماً بسأل
عمري ما حسيت انك غايب
ياما ناس فى القرب ولا بتسأل
وقلوب فى الغربه و حبايب
فى جفاك انا بستناك
على شوق عمره ما ينساك
السنه بتفوت .. وامبارح انا حاسه
انا كنت معاك .. انا كنت معاك
تراهني .. انا وقلبي
تراهني .. على حبي .. يا حبيبي
لو غبنا سنين قدامنا .. فى سنين جايين
وحنرجع على شوق وحنين
يا حبيبي .. تراهني .. تراهني
انا عارفاك راح ترجع تاني
ولا حيهونش عليك تنساني
ياللي وهبتك اول عمري
عايزة اوهبلك عمري التاني
عمر الحب اللي انت بنتيه
فاكر ازاي اداك واديتوه
ولا كبرت خلاص ونسيته
طب اراهنك لو كنت نسيته
تراهني .. انا وقلبي
تراهني .. على حبي .. يا حبيبي
لو غبنا سنين قدامنا .. فى سنين جايين
وحنرجع على شوق وحنين
يا حبيبي .. تراهني .. تراهني
كلمات: حسين السيد
ألحان: محمد عبد الوهاب
