يوم الرحيل - اصالة
دبلت في قلبي اي لحظة فرح من يوم الرحيل
بقى مستحيل
انام فى ليل ما فيهوش عيونك يا حبيبي
بصحى وبفوق على شوق وذكرى
وعذاب وويل وجراح وهم
بقى مش مهم
ادوق آلم مالهوش نهاية يا حبيبي
لكن الاكيد اني انا لو عشت مية مليون سنة
عمري ما ح انسى ان الهنى عرفت طعمه معاك
نفسي في لحظة تضمنا تجمعنا من تانى سوا
ياللي هواك ليا دوا وروحى فداك
مستنياك .. روحي حبيبي قلبي معاك
مستنياك .. بحلم في يوم يرجع هواك
مستنياك مستنياك مستنياك
دايما بخبي اي جرح وحزن عن عيون الناس
وقلبي خلاص
مالهوش خلاص غير حضنك انت يا حبيبي
ما بتنطفيش ناري ولهفة قلبي ما بتنهيش
صحيح بعيش
لكن ما فيش لحياتي معنى يا حبيبي
انت بعيد وانا هنا بعيش فى ذكرى حبنا
من قلبى بدعي ربنا يقرب لقاك
ياللي ماليش عنك غنى ارجع وفرح قلبى انا
ثانيه بثانيه بعيشها انا فى بعدك هلاك
مستنياك .. روحي حبيبي قلبي معاك
مستنياك .. بحلم في يوم يرجع هواك
مستنياك مستنياك مستنياك
كلمات: أحمد قطوط
الحان: أحمد زعيم