الاهات - ام كلثوم
أه من لقاك فى اول يوم
ونظرتك ليا بيعنيك
ونظرتك ليا بيعنيك
خاصم عيوني ليلتها النوم
وبت اسأل روحي عليك
وبت اسأل روحي عليك
يا هل ترى رح يعطف على فؤاد متلهف
تقوللي روحي آه .. آه
وأقول لقلبي يا قلبي
وأقول لقلبي يا قلبي حبه يعادل حبي
يقوللي قلبي آه .. آه
وأرجع وأسأل عقلي .. هو الزمان حيروقلي
يقوللي قلبي اه
العقل يا ربي ضايع ومتبدد
والقلب فى جنبي يسكت ويتنهد
آه من لقاك فى اول يوم ومن رجايا ومن خوفي آه
وأقول لقلبي ياقلبي حبه يعادل حبي
يقوللي قلبي آه .. آه
وأرجع واسأل عقلي هوه الزمان حيرقولي
يقوللي عقلي آه العقل يا ربي ضايع ومتبدد
والقلب فى جنبي يسكت ويتنهد
آه من لقاك فى اول يوم ومن رجايا ومن حبي آه
وآه لما بلغت آمالي وفرحت بك
والجو صفالي .. ومليت كاساتك وسقيتهالي
آه من حلاوتها آه من قساوتها
أشرب بإيدي كأس يرويني يرويني
وأشرب بإيدك كأس يكويني يكويني
بات السرور كله بيني وبينك متقسم
والزهر ويانا ينظر لنا ويتبسم
والطير يغنيلي والموج يقول وياه يقول وياه
بات السرور كله بيني وبينك متقسم
والزهر ويانا ينظر لنا ويتبسم
والطير يغنيلي والموج يقول وياه يقول وياه يقول وياه آه
يادي النعيم اللى دخلناه واللي وجدناه آه
الزهر ويانا ينظر لنا ويتبسم
والطير يغنيلي والموج يقول وياه يقول وياه يقول وياه آه
يادي النعيم اللى وجدناه واللي دخلنه آه
وآه لما منعت ودادك
وآه لما منعت ودادك والأنس ده اتبدل ببعادك
غالطت حسادي وحسادك
أصبر وأتظاهر بالأنس والبهجة
والصبر فى الظاهر والمر فى المهجة
آه
تعالى شوف .. تعالى شوف الطير
أهو نام من قبل وقت النوم فى ظلام
أهو نام من قبل وقت النوم فى ظلام
واتبدل الزهر البسام لا عطر ينعش ولا أنغام
تعالى شوف الطير أهو نام من قبل وقت النوم فى ظلام
دا الأنس كان أنت والانسجام أنت
والزهر كان أنت والابتسام أنت
ما احسبش دا كله فى يوم يضيع مني
وأجري ورا ظله اللى ابتعد عني
ما تقوللي فين أنت
ما أحسبش دا كله فى يوم يضيع مني
وأجري ورا ظله اللى ابتعد عني
ما تقوللي فين أنت
آه آه يا للي أسست وهديت
ياللي عمرت وأخليت آه آه
أسست وهديت آه آه ياللي عمرت وأخليت
آه يا للي أضحكت وأبكيت آه من رضاك وصدودك
كلمات : محمود بيرم التونسي
الحان : زكريا احمد