قطر الحياة - محمد رشدي
على فين ... ما تقوللي يا قطر رايح ... على فين
حترجعلى شبابي ... ولا حتزيد عذابي
قوللي اعمل حسابى .. نفسي افرحلي يومين
على فين ... ما تقوللي يا قطر رايح ... على فين
قلبى ... شال الجراح شيله ... قلبى ... متربى ع الويله
والجاى مش اكتر م الرايح ... والسكه مبئتش طويله
خايف ... لا والله مانا خايف ... شايف ... مانا من زمان شايف
يا ترى اللى جاى امل زايف .. ولا اللى جاى دنيا جميله
على فين ... ما تقوللي يا قطر رايح ... على فين
دنيا ... والله ولا الساقيه ... دنيا ... مين اللى قال باقيه
الحمد لله يا ليالى ... غاليين وما رخصناش ليله
خايف ... لا والله مانا خايف ... شايف ... مانا من زمان شايف
يا ترى اللي جاي امل زايف .. ولا اللى جاي دنيا جميله
على فين
ادي ... مين شاف عذاب ادي ... بدي ... على اد ما بيدي
جرح السنين جاي ورايح ... والفرح جاياته قليله
خايف ... لا والله مانا خايف ... شايف ... مانا من زمان شايف
يا ترى اللي جاي امل زايف .. ولا اللى جاي دنيا جميله
على فين ... ما تقوللي يا قطر رايح ... على فين
حترجعلى شبابي ... ولا حتزيد عذابي
قوللي اعمل حسابى .. نفسي افرحلي يومين
كانت هذه آخر اغنيات الفنان القدير محمد رشدي
وهي من انتاج نصر محروس