على وش القمر - فايزة احمد
على وش القمر .. على صوت المطر
على كل الشجر ح اكتبلك ح اكتبلك يا حبيبي
ح اكتبلك ع الشوراع .. وع الفجر اللي راجع
ح اكتبلك يا حبيبي .. حرفين من اسمي واسمك
وقلب صابه سهمك .. ح اكتبلك يا حبيبي
الدنيا تسمع مني .. وأنا عنك بغني
واقول اسمك في قلبي .. ألاقي الكون سامعني
ناديتك وانت جنبي .. ورد عليا قلبي
وقال للدنيا حبي .. حقيقة مش خيال
بشوق كل السنين .. وبعد بحور حنين
اتقابلوا المشتاقين .. بعد المشوار ما طال
فيه شيء بينك وبيني .. تقولهولك عيوني
أكبر من حب عاشق .. ومن شوقي وحنيني
كتبتك في الأغاني .. طلبتك من زماني
دعيتلك بالأماني .. تسعد وافرح معاك
لو ينسوا اللي حينسونا .. حكايتنا واسامينا
حتفكرهم يوم بينا .. غنوة بقولها في هواك
على وش القمر .....
كلمات: عمر بطيشة
الحان: محمد سلطان