ما بقاش انا - اصالة

لو ما رجعتش ليا بقلبك تاني هنا

لو ما حلفتش أن الثانية في بعدي سنة

لو ما آمنتش إن الجنة في حضني أنا .. ما بقاش أنا

لو ما عرفتش أن حنانك سره حناني

وإن الحب في قلبك كان مخلوق علشاني

وإنك مهما بعدت حترجع تتمناني .. ما بقاش أنا

لو ما ندمتش على الأيام اللي بعدتها

لو ما دفعتش تمن الغربة اللي أنا عيشتها

لو ما شربتش كاس المر اللي شربتها .. ما بقاش أنا

أنا عن نفسي راح أسكت لكن مطمنة

قلب المؤمن هو دليله و أنا مؤمنة

لو ما رجعتش تبكي عشان ترجعلي أنا .. ما بقاش أنا

كلمات: مجدي النجار
الحان: محمد ضياء

اغاني زمان