لاجل النبي 
القعدة حلوة والنبي عند النبي
لاجل النبي

يا اله الكل كلي .. انت عالم بيا كلي

يظلموني انت شايف .. يتهموني انت عارف 

برده عارف من عبادك ايه حصلي 
انا في جاه النبي تكرم عبيدك والنبي 

انا حبيب النبي تقبل صلاتي على النبي 
لاجل النبي لاجل النبي لاجل النبي 

تنصر بلادنا لاجل النبي

يا اله الكل عني .. من العباد ما حد عاني 

يا نصيري يا الهي .. يا مجيري انت جاهي 
غير بابك لم يكن لي
انا في جاه النبي تكرم عبيدك والنبي 
انا حبيبي النبي تقبل صلاتي على النبي 
لاجل النبي .. يوعدكوا يا رب بالنبي
لاجل النبي

 توبة يارب توبة 
على كل عاص يا يارب توبة 
 يارب توبه نصوحة بعد عصياني 
قبل ما اشيب وانحني وامشي بعصياني 
القلب نادم وليه العين عصياني 
يا ريت دموعها تسيل
تجري على الخدين 
تطوي صحايف ذنوبي بعد عصياني 

يا رب يا رحمن يا رب يا رحيم يا عليم بيا
وضع في حبك في قلبي وروحي وعينيا
يا احن من روحي على روحي وعليا
يا رب ان قلت بحبك 
دي كلمة الحب عليك شوية

سلاح عدوك ضعيف لو يقوى ايمانك 
وطول ما قلبك نضيف تلقى الإله عانك
تخضعلك النيران بالصبر والتقوى
وان حاربك الشيطان رب العباد اقوى

يا رجال يا مسؤولين يا حارسين الاوطان
الله وعدنا بنصره في القرآن
لكن عشان ننتصر لا بد من ايمان
كل القلوب تتحد ونعاهد الرحمن

انا في جاه النبي .. تكرم عبيدك والنبي 
انا حبيبي النبي .. تكرم عبيدك والنبي 
لاجل النبي .. تنصر بلادنا والنبي
لاجل النبي