حبك الجبار - نجاة الصغيرة
أول حاجة قابلتني في حياتي
حبك الجبار
آخر حاجة دلوقتي في حياتي
قلبك الغدار
صورة حلوة .. وصورة مرة
مرسومين لي فى كل حتة
عايزة أنسى .. لازم أنسى
أيوه حنسى .. بس امتى
تصدق بإيه أنا كنت عارفة انك حتغدر
معرفش ليه كان قلبي دايما بيقول حتغدر
أشوفك وتبقى الفرحة سبقاني
وأقابلك ألاقى الفرحة لون تاني
أول ما تكلمني الضحكة تروح مني
وأحس انى بعيدة ونهار ما تريحنى
تجرحني وتسيبني على شوقة وتنهيدة
من هنا كانت ظنوني محيراني فيك
من هنا كان خوفي منك وكان خوفي عليك
مش عشان بنسى وأفكر فيك ساعات يعني سامحتك
مش عشان دايما بجيب سيرة اللى فات يعنى سامحتك
ياما قلبي صارحني
ياما قاللي واحشني
كل ما انسى وأهاوده
جرحه يصحى لوحده
يفتكرك بعذابك وبسهره على بابك وانت بتقسى عليا
ويفكرنى بحالي وفي أيام وليالي شوف عملت ايه فيا
من هنا كانت ظنونى محيرانى فيك
من هنا كان خوفى منك وكان خوفى عليك
كلمات: حسين السيد
الحان: بليغ حمدي