قالي تعالي - عفاف راضي
قالي تعالي تعالي .. نطير في العالي
قولتله لا لا وانا مالي وانا مالي
قالي تعالي عيشي ليالي الحب الغالي
قولتله لا لا ما أنتاش خيالي
قالي تعالي نلفك شالي
قولتله لا انا كده راضية بقلبي الخالي
وسيبنى فى حالي
انا زى ما أكون نسمة هوا طايرة فى دنيا براح
انا قلب حنون بيضم الكون ويعيش سواح
انا لا انا خايفة من الهوا ولا شايفة الحب جراح
وانا عارفة ان طريق العشاق فرحة وأفراح
وانا عارفة ان الحب طريقي
ومنايا يكون حب حقيقي
ومنايا يكون حب حقيقي
من غير كده وحدتي دي تهنالي
والحب ما يخطرش فى بالي .. مهما ندالي
انا زى ما اكون بستان عطشان مليان أسرار
بحلم بالشمس الدافية وربيع الأزهار
بحلم بالنور والهوى وأتمنى ليل ونهار
وانا عارفة ان طريق العشاق فرحة وأنوار
وانا عارفة ان الحب طريقي
ومنايا يكون حب حقيقي
ومنايا يكون حب حقيقي
من غير كده وحدتي دي تهنالي
والحب ما يخطرش فى بالي .. مهما ندالي
كلمات: سيد حجاب
ألحان وتوزيع: عمار الشريعى