مستني جواب - محمد عبد المطلب
مستني جواب ياللي ناسيني .. يمكن في الوحدة يسليني
مستني جواب .. مستني جواب
اشتقت اليك الفين سلامات .. وحشتني عينيك ومعادك فات
وسألت عليك ما لقيت جوابات .. طمني بكلمة يا نور عيني
مستني جواب .. مستني جواب
املاه بعتاب وغرام وحنين .. قول ع الاسباب مين شغلك مين
دي الفرقة عذاب وبقالي سنين .. حيرني وفاض بيا حنيني
مستني جواب .. مستني جواب
فات يوم ورا يوم وانا بستناه .. واسأل ع النوم في الليل ما القاه
يمكن مظلوم وجوابك تاه .. ابعت طمني ورسيني
مستني جواب .. مستني جواب
كلمات: محمّد علي أحمد
الحان: محمود الشّريف