دوبني دوب - فايزة احمد
دوبني دوب يا هوى .. دوبني دوب
ياما قلت اتوب يا هوى .. ماقدرت اتوب
لا صبر ينفع .. ولا شوق بيشفع ولا حد يعرف ايه في القلوب
غابوا الحبايب يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب
اه لو يجيني منهم سلام
يخلي جرح الشوق ينام ..
اه لو عيوني .. تلمح خيالهم
دانا كنت اقول احلى الكلام
وكنت افرح من جوا قلبي
وافرد جناحي على حبايبي
دول غابوا عني يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب
سألت ناس بالحب دابوا
مين اللي يقدر على نار عذابه
قالولي نار .. تطفي نار
شوفلك حبايب غير اللي غابوا
انا قلت والله مافي اغلى منهم
لاقبل منهم ولا بعد منهم
دول غابوا عني يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب
لو كنت اعرف .. على فين طريقهم
قلبي اللي دايب .. كان قام سبقهم
يشوف حبايبه .. اه من حبايبه
النار دي ارحم من فراقهم
فضلت اصبر روحي بروحي
وجروحي تفضل .. برضك جروحي
غابوا عني يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب
كلمات: صلاح ابو سالم
ألحان: عبد العظيم محمد