من غير حب - سعاد محمد
قاسيت ولا حد قاسى قد ما قاسيت .. لكن نسيت ما جراللي لما انا حبيت
من غير حب الدنيا دي ايه .. من غير حب نعيش على ايه
اللي يوافقه هواه يا هناه .. واللي ما حبش قلبي عليه
من غير حب الدنيا دي ايه ايه
انا كنت اعتب على اهل الهوى وألوم .. آه آه آه
واقعد مع الشامتين في العاشقين واقوم
وايه جرالك يا قلبي بعد ما حبيت
شفت يا قلبي نعيم وسرور .. شفت قصور حواليها زهور
بعد الظلمه بقيت في النور .. بعد ده كله ما احبش ليه
من غير حب نعيش على ايه
اللي يوافقه هواه يا هناه .. واللي ما حبش قلبي عليه
من غير حب الدنيا دي ايه ايه
كانت تغني الطيور فوق غصنها العالي
ولا كان غناها الجميل يخطر على بالي
وايه جرى للبلابل لما انا حبيت
بيغني البلبل نشوان اتاريه على فرحي فرحان
وانا اغني له وارد عليه .. بعد ده كله ما احبش ليه
من غير حب نعيش على ايه
اللي يوافقه هواه يا هناه .. واللي ما حبش قلبي عليه
من غير حب الدنيا دي ايه ايه
كلمات: بيرم التونسي
ألحان: احمد صدقي