انا وشادي - فيروز
من زمان وأنا صغيرة .. كان فى صبي .. يجي من الأحراش
نلعب انا وياه .. كان اسمه شادي
انا وشادي غنينا سوا .. لعبنا على التلج ركضنا بالهوى
كتبنا ع الحجار قصص الصغار .. ولوحنا الهوى
ويوم من الايام ولعت الدني .. ناس ضد ناس علقوا بها الدني
وصار القتال يقرب عالتلال .. والدني دني
وعلقت على أطراف الوادي .. شادي ركض يتفرج
خفت وصرت اندهله .. وينك رايح يا شادي
اندهله وما يسمعني .. ويبعد يبعد بالوادي
و من يومتها ما عدت شفته .. ضاع شادي
والتلج اجى و راح التلج .. عشرين مرة اجى و راح التلج
وانا صرت اكبر .. و شادي بعد صغير .. عم يلعب عالتلج