مشغول وحياتك - عبد الحليم حافظ
مشغول وحياتك مشغول
ولآخر الأسبوع مشغول
مشغول وحياتك .. وحياتك مشغول
أنا بكرة مواعد قلبي
حيحكي عللي مخبيه
حيحكي حكاية حبي
و حاقوله ع للي انا فيه
ده حكايه عمري وأيامي
وشبابي مختار اللي قدامي
مشغول مع قلبي مشغول
مشغول وحياتك مشغول على طول
مشغول وحياتك .. وحياتك مشغول
أنا عندي ميعاد مع صورة
للصبح اسهر قدامها
يا ما عشت ليالي كتيرة
فرحان بيها بكلمها
وعينيها الحلوة تكلمني
ولا مرة تفكر تخاصمني
بالصورة الغالية انا مشغول
مشغول وحياتك على طول
مشغول وحياتك .. وحياتك مشغول
انا مشغول عنك بيكي
وماليش الا انت وسيرتك
قلبي كلمني عليكي
وأنا اكلم عنك صورتك
وخيالك ديما في خيالي
يا غرامي ويا حبي الغالي
مشغول وحياتك مشغول
أنا مشغول بيك على طول
مشغول وحياتك .. وحياتك مشغول
كلمات: اسماعيل الحبروك
ألحان: محمد الموجي