يا مالكة القلب - فريد الاطرش
يا مالكة القلب فى إيدك .. ده عيد الدنيا يوم عيدك
عيونك فى الهوى غنوة .. وخدّك للأماني كــاس
وعودك لحن يا حلوة سحرتي بيه قلوب النـاس
شافوكي فى المهج نشوة وقالوا ربنا يزيــدك
يا مالكة القلب...
جمالك سرّ الهامي وحسنك وحي أنغامي
خيالك أحلى أحلامي وعيدك سـعد ايامي
ويوم ما تفيض بي آلامي أواسيها بتغريـدك
يا مالكة القلب...
يا فايقة الورد فى عبيره أتاري الورد غار منك
منامي أنت تفســيره و فني لمحة من فنك
ولحني الحلـــو تعبيره نغم يحلا بترديدك
يا مالكة القلب...
كلمات: صالح جودت
ألحان: فريد الأطرش