صبح يا جميل - محمد قنديل
صبح يا جميل .. يا جميل صبح
الفجر اهو لاح والليل رواح
الفجر اهو لاح والليل رواح
صبح يا جميل .. يا جميل صبح
صبح على الوردة النعسانة خليها تفتح على عودها
صبح على العين السهرانة والدمع بيجري على خدودها
صحي النعسان وعلى السهران صبح
الفجر اهو لاح والليل رواح
صبح يا جميل .. يا جميل صبح
صبح على طيرك وناديله
واوعى انت فى يوم تهجر عشه
صبح على جارك وادعيله
يفتحها في وشك وفي وشه
صحي الامال .. ده الرزق حلال
صبح صبح
الفجر اهو لاح والليل رواح
صبح يا جميل .. يا جميل صبح
كلمات: عبدالعزيز سلام
الحان: فريد غصن
رؤية الدكتور: راضى حامد