اعلان

سيبولي قلبي وارحلوا - ميادة الحناوي

سيبولي قلبي وارحلوا .. لا اسال انا ولا تسألوا
قلبي خلاص من اليوم يا ناس .. لاح افرحه ولا ازعله



مدام انتوا فاكرين الهوى .. نقضي السنين صبر وحنين دمع وانين 
يبقى الفراق بالشكل ده ما اسهله 

حتى الايدين اتعلموا .. يترعشوا لما يسلموا 
علمتوا قلبي اللي ما كان عمره في يوم اتعلمه 
اومال نصدق مين بقى .. وازاي حنفرح بااللقا 
مدام يومين ترجع قلوب العاشقين متفرقة .. متفرقة 
توبه نصدق تاني ضحكك ياهوى 
وتوبه نمشي معاكوا في الايام سوا
مدام انتوا فاكرين الهوى 
نقضي السنين صبر وحنين دمع وانين 
يبقى الفراق بالشكل ده ما اسهله

الكلمتين اللي اتحكوا زي الدموع اللي اتبكوا 
ياللي انتوا لومتوني تعالوا لوموا تاني واضحكوا 
يا ضحكتي لمي الجناح .. سيبي مكانك للجراح 
حلم الليالي الغالي ليه ما اقدرش على نور الصباح 
توبه نصدق تاني ضحكك ياهوى
وتوبه نمشي معاكوا في الايام سوا
مدام انتوا فاكرين الهوى 
نقضي السنين صبر وحنين دمع وانين 
يبقى الفراق بالشكل ده ما اسهله !!

كلمات: عبد الرحمن الابنودي 
ألحان: عمار الشريعي

Share this

شاركشارك