وانت عني بعيد .. قلبي عني بعيد
والجراح بتزيد .. كل يوم يا حبيبى
 كل يوم بتألم .. حتى يوم العيد

حبيبى حبيبى فين ايامى معاك 
 فين انتظارى مواعيدك
ولهفتى وانا بستناك بستناك
و فرحتى وايدى فى ايدك
فين حبنا وحكايات لياليه
فين اللى كنا بنغنيه
فين عشنا اللى بقالنا زمان
بنبنيه ونحلم بيه
راح دا كله بعيد وانت عنى بعيد
والجراح بتزيد كل يوم ياحبيبى
كل يوم بتألم حتى يوم العيد
حبيبى روحى عينيا
كلمنى رد عليا
خلينى بس اشوفك وارد روحى شويا
خلينى بس اشوفك وارجع لظلمك ليا
حبيبـــــى مش قادر اسيبك
حبيبـــى طل على حبيبك
من بعيد لبعيد وانت عنى بعيد
والجراح بتزيد كل يوم ياحبيبى
كل يوم بتألم حتى يوم العيد
حتى يوم العيد يوم العيد
وانت عنى بعيد

كلمات: مرسى جميل عزيز
ألحان: محمد الموجى