مسيرك حتعرف - شادية
مسيرك حتعرف..انا قد ايه بحبك بحبك
كتير قد ايه .. بحبك بحبك
ومسيرك حتعرف أنا قد ايه بداري حنيني ولا أقدر عليه
ياريت بس اقدر بكلمه أعبر بنظرة اصور هوايا الكبير
ياريت أبقى نجمة في ليلك تنور
ياريت أبقى نسمه وأنا أخدك وأطير
بحبك في الورده والقمر السهران
بحبك نار قايده في ليالي الحرمان
وأشتاقلك وأشتاق ياحبيبي وأدوب في الأشواق
وأبنيلك جنة ياحبيبي ما دخلهاش عشاق
بس تعالى تعالى ياقمر ليلي تعالى
ياريت بس اقدر بكلمه أعبر بنظرة اصور هوايا الكبير
ياريت أبقى نجمة في ليلك تنور
ياريت أبقى نسمه وأنا أخدك وأطير
قالوا الحب غربه وليل من غير قمر
وقالوا ياويلك من طول السهر
آه ياحبيبي آه ..آه ياحبيبي
مهما حيروني مش هيغيروني
مهما حيلوموني حبك .. حبك نور عيوني
ياريت بس اقدر بكلمه أعبر بنظرة اصور هوايا الكبير
ياريت أبقى نجمة في ليلك تنور
ياريت أبقى نسمه وأنا أخدك وأطير
كلمات: محسن الخياط
الحان: محمود الشريف