اعلان

ميحانة وموال عيرتني بالشيب - ناظم الغزالي

عيرتني بالشيب وهو وقار 
ليتها عيرت بما هو عار
ان تكن شابت الذوائب مني 
فالليالي تزينها الاقمار



يا ويلي ليلة دموعي بيوم فقد الولف ليلة
 وردت عيني يمرها النوم ليله
تعيرني عجب بالشيب ليلة 
واخير اثنينا نشيب سويا

ميحانه ميحانه... ميحانه ميحانه 
وغابت الشمس وللحين ما جانا 
حيك.. حيك بابا حيك .. الف رحمه على بيك 
هذوله اللي عذبوني .. هذوله المرمطوني 
وعلى جسر المسيب سيبوني

عافت عيوني النوم .. عافت عيوني النوم
بعدك حبيبي العين ذبلانه 
بلوح القدر مكتوب .. بلوح القدر مكتوب
بهجرك حبيبي الروح ضمآنه 
حيك.. حيك بابه حيك .. الف رحمه على بيك 
هذوله العذبوني .. هذوله المرمروني 
وعلى جسر المسيب سيبوني

ضليت انا سهران .. ضليت انا سهران
وارعى نجومي ليش ماجانه 
واتسامر ويا الليل .. واتسامر ويا الليل
واجمع همومي وروحي تلفانه 
حيك.. حيك بابه حيك .. الف رحمه على بيك 
هذوله العذبوني .. هذوله المرمروني 
وعلى جسر المسيب سيبوني

خلى الدموع اتسيل .. خلى الدموع تسيل
من عيني دمه الروح ضمانه 
واللي فديته الروح .. واللي فديته الروح
روحي ظلمه بسكَم خلاّنه
حيك.. حيك بابه حيك .. الف رحمه على بيك 
هذوله العذبوني .. هذوله المرمروني 
وعلى جسر المسيب سيبوني

كلمات: الخليفة العباسي المستنجد بالله 

Share this

شاركشارك