خلاص مسافر - شادية
خلاص مسافر .. مسافر .. مسافر
صحيت في يوم من الايام
حسيت اني يا عيني غريب
حسيت بغدر الصحاب وإللي افتكرته حبيب
وانا إللي ياما غنيت على الليالي
في الفرح موال وفي الجرح موال والصبر موال
اصبح على دي الحال غريب
اصبح انا غريب غريب ولا حد جنبي قريب
قلت أسافر مسافر مسافر
خايفة لما تسافر على البلد الغريب
تنسى انك فايت في بلدك حبيب
مستني بأشواق تعباه تعباه
تعبان من الفراق
ومولعلك شمعة نورها مستنيك
آه وفي عيونه دمعة امسحها بايديك
لما تجيني تاني تاني آه تاني
تاني تاني من البلد الغريب
يومين وأسافر .. يمكن أقابل الصبر في سكتي
يمكن ألاقي الراحة في غربتي .. يومين وأسافر
كان نفسي اكون جنبك حبيبه
حبيبه من بلدك تسهر على راحتك
كان نفسي اكون جنبك
تفرحلك في فرحك وتقاسمك في جرحك
والهم تشيله عنك .. لما تجيني تاني تاني
آه تاني تاني تاني من البلد الغريب
يومين وأسافر .. يمكن أقابل الصبر في سكتي
يمكن ألاقي الراحة في غربتي .. يومين وأسافر
خايفة تلاقي وردة تحلو في عينيك
تنساني وتميل تقطفها بايديك
وتجرحك الأشواك وتتعذب هناك .. هناك .. هناك
اقطفها بايديا وما تجرحش ايديك
سيب الجرح ليا وخلي الفرح ليك
بس ارجعلي تاني تاني
تاني تاني تاني من البلد الغريب
كلمات: محمد حمزه
ألحان: بليغ حمدي