رمش عينه اللي جارحني - محرم فؤاد
رمش عينه اللى جارحني رمش عينه
رمش عينه اللى دابحني رمش عينه
مين يا ناس يحكم ما بين قلبي وبينه
رمش عينه اللي جارحني رمش عينه
ليلة من ذات الليالي
كنت خالي وقلبي خالي
السهر ماعرفش عيني
والغرام ماجاش فى بالي
فات عليا الحلو الاسمر
رمشه قالي حب واسهر
مين يا ناس يحكم ما بين قلبي وبينه
رمش عينه اللي جارحني رمش عينه
شفة وردي وسنة لولي .. من بعيد ابتسمولي
صورولي الحب جنة .. واعمل ايه يا ناس قولولي
غصب عني مش بخاطري .. للجميل سلمت امري
مين يا ناس يحكم ما بين قلبي وبينه
رمش عينه اللي جارحني رمش عينه
العيون السود خدوني .. باالمحبة عشموني
وفي بحور الشوق يا عيني .. غرقوني ودوبوني
هي دي كل الحكايه .. من البدايه للنهاية
مين يا ناس يحكم ما بين قلبي وبينه
رمش عينه اللي جارحني رمش عينه
كلمات: مرسى جميل عزيز
ألحان: محمد الموجى
