خليكوا شاهدين - فايزة احمد

خليكوا شاهدين على حبايبنا .. خليكوا شاهدين

بيدوروا ع اللي بيتعبنا .. خليكوا شاهدين

و بقالنا سنين في الهوى تايهين
ما احناش عارفين نرتاح مع مين

و ح نشكي لمين .. غير حبايبنا

دول سايبينا ... خليكوا شاهدين

جرحونا الأحباب .. جرحونا

و رضينا بجرحنا و فاتونا

ولا منهم عايزين يداونا .... ولا خدنا م الحب نصيبنا

عرفنا الاه .. و قولنا اه

و جانا الشوق ياخدنا .. و خدنا معاه

و بقالنا سنين في الهوى تايهين
ما احناش عارفين نرتاح مع مين

و ح نشكي لمين .. غير حبايبنا

دول سايبينا... خليكوا شاهدين

في هواهم يا ما اتحيرنا ... لكن عمرنا ما اتغيرنا

ح نستنى و نستنى .. لحد ما يسألوا عنا

ح نستنى و نستنى .. ياريت العمر يستنى

و بقالنا سنين في الهوى تايهين
ما احناش عارفين نرتاح مع مين

و ح نشكي لمين .. غير حبايبنا

دول سايبينا... خليكوا شاهدين

عدينا بحورهم ... عدينا

و حدفنا الموج .. ولا حسينا

و لا رحنا معاهم ولا جينا

و سيرتهم مش عايزة تسيبنا

و بقالنا سنين في الهوى تايهين
ما احناش عارفين نرتاح مع مين

و ح نشكي لمين .. غير حبايبنا

دول سايبينا... خليكوا شاهدين

كلمات: سيد مرسي

ألحان: محمد سلطان