جميل واسمر - محمد قنديل

جميل و أسمر .. بيتمختر
شغل قلبى .. بكم نظرة

تقول سكر .. اقول اكتر
من السكر .. ميتين مرة

جميل و اسمر و طبعه عنيد
اقربله يروح لبعيد

و يوعدني و ملهوش مواعيد
و يوم ما يجيني .. يتأخر

تقول سكر .. اقول اكتر
من السكر .. ميتين مرة

جميل و اسمر لكن قاسى
بيسقينى مرار كاسي

و لا بيرحم و لا يواسي
و لا بيعذر و لا يقدر

تقول سكر .. اقول اكتر
من السكر .. ميتين مرة

بحب عينيه و تكحيلها
و لما أشوفها بدعيلها

يا روحى عليه فى تسبيلها
يخلي العقل يتحير

تقول سكر .. اقول اكتر
من السكر.. ميتين مرة

كلمات: عبد المنعم السباعي

ألحان: أحمد عبد القادر

اغاني زمان