ان جيت للحق انا زعلانة - نور الهدى
ان جيت للحق انا زعلانه
واخده على خاطري وغضبانه
ده انا قلب وروح دا انا انسانه
زعلانة زعلانة
ياللي افتكرتك قلب حنون
ارحم فؤادي اللي انكوى
ده كل شيء في الدنيا يهون
الا فراق اهل الهوى
ليه بتغلبني وازاي حتسبني
للناس والدنيا الخوانة
لأ .. لأ .. لأ
ان جيت للحق انا زعلانة
واخده على خاطري وغضبانه
ده انا قلب وروح دا انا انسانه
زعلانة زعلانة
رماني الحب في بحره
وقولت يا مين يعديني
لاقيتك انت على بره
وكان املي تنسيني
وانا مش على بالك ولا جيت في خيالك
بقى بعد ده كله فرحانة
لأ .. لأ .. لأ
ان جيت للحق انا زعلانة
واخده على خاطري وغضبانه
ده انا قلب وروح دا انا انسانه
زعلانة زعلانة
املي انطفى وانا ظني فيك
شمعة الحياة منورة
والمر دقت من ايديك
وانا كنت فاكراك سكرة
ما رحمتش حالي .. بددت آمالي
ولقيتني وحيدة وحيرانة
لأ .. لأ .. لأ
ان جيت للحق انا زعلانة
واخده على خاطري وغضبانه
ده انا قلب وروح دا انا انسانه
زعلانة زعلانة
كلمات: عبدالعزيز سلام
الحان : فريد الاطرش
