الحب كله - ام كلثوم
الحب كله حبيته فيك .. الحب كله
وزماني كله انا عشته ليك .. زماني كله
حبيبي قول للدنيا معايا
ولكل قلب بدقته حس
يا دنيا حبي وحبي وحبي
ده العمر هو الحب وبس
واسقيني واملى .. اسقيني تاني من الحب
منك .. من نور زماني
اسقيني ياللي من يوم ما شفتك
حسيت كأني اتخلقت تاني
حسيت كأني اتخلقت تاني
روح قلبي يا حياة ايامي يا روح قلبي
يا حبيبي يا ملاك احلامي احلامي يا روح قلبي
انا كنت ايه قبل ما اشوفك انا كنت ايه
وكنت عايش يا حبيبي ايامي ليه .. ايامي ليه
طريق حياتي مشيته قبلك في ليل طويل
لا قلب جنبي يحس بيا ولا طيف جميل
ولما شفتك اول ما شفتك
بكل شوق الدنيا لقيتني مشدود اليك
وفي كل حب الدنيا ناديتك وجريت عليك
ناديت ناديت عالدنيا بحالها
والكل قلبي بدقته حس
يا دنيا حبي وحبي وحبي
ده العمر هو الحب وبس
الهوى العطشان عطشان في قلبي بيندهك
يا ارق من النسمة واجمل من ملاك
انت روحي وكل عمري ونور حياتي
يا حياتي ايه انا بالنسبه لك
حبيبي ده انا مخلوق علشانك
يا دوب علشانك .. علشانك انت
وقلبي عاش على لمس حنانك
يا دوب حنانك .. حنانك انت
حلوة الايام حلوة .. حلوة حياتي
حلوة يا سلام .. بتمر قوام
حلوة ويا حياتي
يا زمان .. يا زمان يا زمان
يا ليالي طويلة احلامها جميلة محال تنعاد
يا زمان .. يا زمان يا زمان
فيها ايه لو تنسى اثنين
في الحب .. دايبين عايشين
عايشين نقول للدنيا بحالها
والكل قلبي بدقته حس
يا دنيا حبي وحبي وحبي
ده العمر هوه الحب وبس
يا حبيبي يا عبير الشوق يا حبيبي
يا نصيبي من ليالي الشوق يا حبيبي
شعر ايه ده الكلام اللي في عينيك
خلى احلى كلام يغير
عطر ايه ده العبير اللي في ايديك
بيقول ايديك هي العبير
من الربيع اللي في شفايفك
لليالي اللي في عينيك
من اللهيب اللي في خدودك
للحنان اللي في ايديك
رحلة تاهت روحي فيها وتهت فيها
خبيني من الزمن خبيني
وبعيد عن عيونه داريني
عالفرحه الكبيره يا خوفي
لا ياخدها ولا يخليني
خلينا نقول للدنيا بحالها
والكل قلبي بدقته حس
يا دنيا حبي وحبي وحبي
ده العمر هوه الحب ، وبس
كلمات: أحمد شفيق كامل
الحان: بليغ حمدى