أدي الربيع عاد من تاني والبدر هلت أنواره
وفين حبيبي اللي رماني من جنة الحب لناره

أيام رضاه يا زماني هاتها وخد عمري
اللي رعيته رماني وفاتني وشغل فكري

كان النسيم غنوة .. النيل يغنيها
وميته الحلوة .. تفضل تعيد فيها
وموجه الهادي كان عوده ولون البدر أوتاره
يناغي الورد وخدوده يناجي الليل وأسراره
وأنغامه بتسكرنا أنا وهو
أنا وهو ما فيش غيرنا .. ما فيش غيرنا

أدي الربيع عاد من تاني والبدر هلت أنواره
وفين حبيبي اللي رماني من جنة الحب لناره

لمين بتضحك يا صيف لياليك وأيامك
كان لي في عهدك حبيب آليف عهدني قدامك
وكان لي في قلبه طيف يخطر في أوهامك

من يوم ما فاتني وراح .. شدو البلابل نواح
والورد لون الجراح .. يا ليلي يا عين
مر الخريف بعده بدل زهور الغرام
والدنيا من بعده هوان ويأس وآلام
لا القلب بينسى هواه ولا حبيبي بيرحمني
وكل ما اقول آه يزيد في ظلمه ويألمني

وأدي الشتا يا طول لياليه
على اللي فاته حبيبي يناجي طيفه ويناديه
ويشكي للكون تعذيبه
يا ليل يا بدر يا نسمة يا طير يا أغصان
هاتولي من الحبيب كلمة تواسي العاشق الحيران
أخد ورد الهوا مني وفات لي شوكه يألمني
ما اعرفش أيه ذنبي غير أني في حبي أخلصت من قلبي
وغاب عني لا كلمني ولا قاللي أمتى راح أشوفوه
وأقول يمكن حيرحمني ويبعت في الربيع طيفه

آدي الربيع عاد من تاني والبدر هلت أنواره
وفين حبيبي اللي رماني من جنة الحب لناره