حيرت قلبي معاك - ام كلثوم
حيرت قلبي معاك.. وأنا بداري واخبي
قوللي أعمل إيه وياك.. وللا أعمل إيه ويا قلبي
بدي اشكيلك من نار حبي.. بدي احكيلك ع اللي في قلبي
وأقولك ع اللي سهرني.. وأقولك ع اللي بكاني
وأصورلك ضنى روحي.. وعزة نفسي منعاني
يا قاسي بص في عينيا.. وشوف إيه أنكتب فيها
دي نظرة شوق وحنيه .. ودي دمعة بداريها
وده خيال بيين الأجفان.. فضل معاي الليل كله
سهرني بين فكر وأشجان.. وفات لي جوه العين ظله
وبين شوقي وحرماني.. وحيرتي ويا كتماني
بدي اشكيلك من نار حبي.. بدي احكيلك ع اللي في قلبي
وأقولك ع اللي سهرني.. وأقولك ع اللي بكاني
وأصورلك ضنى روحي.. وعزة نفسي منعاني
ياما ليالي أنا وخيالي .. أفضل أصبر روحي بكلمة يوم قلتهالي
وبات أفكر .. في اللي جرالك.... واللي جرالي
وأقول ماشافشي الحيرة.. عليا لما بسلم
ولا شافش يوم الشوق.. في عينيا راح يتكلم
وارجع أسامحك تاني .. واحنلك والقاني
بدي احكيلك ع اللي في قلبي
وأقولك ع اللي سهرني.. وأقولك ع اللي بكاني
و اصورلك ضنى روحي ..وعزة نفسي منعاني
خاصمتك بيني وبين روحي .. وصالحتك وخاصمتك تاني
وأقول أبعد يصعب على روحي .. تطاوعني ليزيد حرماني
ح أفضل أحبك من غير ما أقولك .. إيه اللي حير أفكاري
لحد قلبك ما يوم يدلك .. على هوايا المداري
ولما يرحمني قلبك .. ويبان لعينيا هواك
وتنادي ع اللي انشغل بك .. وروحي تسمع نداك
ارضى اشكيلك من نار حبي .. وابقى احكيلك ع اللي في قلبي
وأقولك ع اللي سهرني.. وأقولك ع اللي بكاني
وأقول يا قلبي ليه تخبي ..وليه يا نفس منعاني
كلمات: أحمد رامي
ألحان: رياض السنباطي