غريب يا زمان - فايزة احمد
زمان غريب يا زمان .. يا زمان ما لكش امان
تفرق ليه قلوب مشيت سوا مشوارها واتعاهدت
وفرحت قد ما فرحت ويوم ما قربت بعدت
وكنا زمان اعز اصحاب وعشنا عمرنا احباب
وآه لو بايدنا ما كناش بعدنا ولا ليلة واحدة
وكنا فضلنا سوا للنهاردة وبعد النهاردة حبايب حبايب
وكنا فضلنا سوا للنهاردة وبعد النهاردة حبايب حبايب
ما يقدر علينا الزمان .. غريب يا زمان
ياما فرحنا الليالى وكل ليلة عيد
ياما سهرنا النجوم فى الحب والمواعيد
كنا دايما كل ايامنا سوا
كنا حتى كل ما نبعد سوا
كنا حتى كل ما نبعد سوا
فاكر وإيديك حاضنة إيديا
تحلفلى حتفضل هنا على طول
تحلفلى حتفضل هنا على طول
مش كدة يا حبيبى وانا وحدى
وخايفة ليالى البعد تطول
وخايفة ليالى البعد تطول
وآه لو بايدنا ما كناش بعدنا
ولا ليلة واحدة وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
غريب يا زمان
احنا افترقنا ليه .. احنا جرالنا ايه
ازاى فى ليلة واحدة نرضى بفراقنا والدنيا تانية
هو الزمان ايوه الزمان .. ما اقدرش اقول غير الزمان
ياما الزمان فرق وجمع قبلنا كتير من زمان
عشت بعدك حاضنة عهدك .. والليالى تخص مين
عشت بعدك بس بعدك تضحك الايام لمين
وآه لو بايدنا ما كناش بعدنا
ولا ليلة واحدة وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
غريب يا زمان
يا اللى واخداك الليالى بعيد وغايب عن حبايبك
يا اللى وحشانى عينيك ويا ريتنى يطول العمر جنبك
يا ما استنيتك ومعايا طيفك ليل ونهار
ياما اتمنيتك تيجى ما لقيتك وفايتنى فى نار
وازاى اعيش هنا وما تكونش هنا
والله حرام فراقنا ده عن بعضنا
انا حجيلك انا والله حجيلك انا
ولما اجيلك راح نقول
احنا كنا لبعض وحنفضل سوا
والزمن للعاشقين احسن دوا
وادى احنا بإيدنا وأدي احنا بعدنا وادى احنا رجعنا
حبايب ما يقدر علينا الزمان
كلمات: الشاعر عمر بطيشة
ألحان: محمد سلطان