اعز الناس - عبد الحليم حافظ
على طول الحياة نقابل ناس .. ونعرف ناس
ونرتاح ويا ناس عن ناس
وبيدور الزمن بينا .. يغير لون ليالينا
وبنتوه بين الزحام والناس .. ويمكن ننسى كل الناس
ولا ننسى حبايبنا أعز الناس .. حبايبنا أعز الناس حبايبنا
سنين وسنين تفوت ما نحس بوجودها ولا وجودنا
ولحظة حب عشناها .. نعيش العمر تسعدنا
ومين ينسى ومين يقدر فى يوم ينسى
شعاع اول شرارة حب
ونظره من بعيد لبعيد تقول حبيت
ورمش قول غلبني الحب غلبني
ومين ينسى .. ومين يقدر فى يوم ينسى
ليالي الشوق ولا نارها وحلاوتها .. ولا اول سلام بالإيد
ولا المواعيد ولهفتها .. ولا ننسى ولا نقدر فى يوم ننسى
حبايبنا أعز الناس .. حبايبنا
حبيب قلبي وروح قلبي حياة قلبي
يا أغلى الناس يا أحلى الناس يا كل الناس
لسه مشوار الحياة شايل لنا وقفات
معالم فى طريق الحب أحلى كتير
من اللى فات .. من اللى فات
كلمات: مرسى جميل عزيز
ألحان: بليغ حمدى