من كام ليلة - محرم فؤاد

من كام ليلة من كام يوم
وأحنا بنستنى دا اليوم

شمع الفرح علينا منور
و نسينا من الفرحة النوم

وردة جميلة جوا خميلة من الأزهار

رقة و فتنة تخلي ليلتنا نور و نهار

بتغنيلها الدنيا بحالها
و تهنيها بعز جمالها

شمع الفرح علينا منور
و نسينا من الفرح النوم

من كام ليلة من كام يوم
و أحنا بنستنى دا اليوم

قلبي في عيدها فرحان فرحة
مش ممكن تخطر على البال

عقبال منهل فيها بطرحة
و نغنيلها ليالي طوال

و تغنيلها الدنيا بحالها
و تهنيها بعز جمالها

شمع الفرح علينا منور
و نسينا من الفرح النوم

من كام ليلة من كام يوم
وأحنا بنستنى دا اليوم

كلمات :مأمون الشناوي

ألحان: منير مراد

اغاني زمان