احن قلب انتي يا امي - نازك و محمد فوزي

احن قلب في الدنيا قلبك انتي يا امي

واغلى حب في الدنيا حبك انتي يا امي

ربيتي اختي .. كبرتي اخويا 

تعيشي ليا .. انتي وابويا

انتي يا امي ..انتي يا امي

حبك يا امي يجري في دمي 

وكل غالي يرخص علشانك 

سهرتي جنبي وشيلتي همي

وكل ما اكبر يكبر حنانك 

وبتسعديني دايماً في قربك 

انتي يا امي انتي يا امي 

احن قلب في الدنيا قلبك انتي يا امي 

ربيتي اختي .. كبرتي اخويا 

تعيشي ليا .. انتي وابويا

انتي يا امي ..انتي يا امي

انا اسمى غنوة على شفايفك 

وانتي اسمك في قلبي غنوة 

وكل لحظة بيبانلي عطفك 

في كلمة حلوة ودعوة حلوة 

والدعوة منك يسمعها ربك 

انتي يا امي انتي يا امي 

احن قلب في الدنيا قلبك 

انتي يا امي انتي يا امي

ربيتي اختي .. كبرتي اخويا 

تعيشي ليا .. انتي وابويا

انتي يا امي ..انتي يا امي

كلمات: عبد العزيز سلام
الحان: محمد فوزي

الشوق - محمد فوزي

الشوق .. الشوق الشوق 
حيرني .. الشوق الشوق

سهرني .. الشوق الشوق 
ليه بس يا قلبي تبص لفوق

الشوق .. الشوق حيرني

بصيت على مهلي ومشيت على مهلي

 يمكن تشاورلي يمكن تندهلي 

ضحكتلي الحلوة من ورا شباكها 

 وعينيها قالتلي حاسب من أهلي

وكواني الشوق وضناني الشوق

 ليه بس يا قلبي تبص لفوق

الشوق .. الشوق حيرني

أنا ماشي في حالي ولا واخد بالي
ولوحدي بغني وبقول موالي

أول ما الحلوة فتحت شباكها 
فتحت باب قلبي للشوق طوالي

وعرفت الشوق وليالي الشوق
ليه بس يا قلبي تبص لفوق

الشوق .. الشوق حيرني

كلمات: مرسي جميل عزيز

الحان: محمد فوزي

يا مين يقولها - محمد فوزي

يا مين يقولها ويكلم قلبها 
من يوم ما شفتها القلب حبها 

يا مين يقولها 

الموجة لقوامها السابح تتمد بساط 
ومية البحر المالح تصبح شربات
من سكر حسنها .. وقدرة سحرها
يا مين يقولها القلب حبها 
ياااا مين .. يا مين يقولها

خايف اقول لا تقول خداع والسر يبان
والقرب يتبدل بوداع وابات في هوايا 
احترت ببرها وتوهت في بحرها
يا مين يقولها القلب حبها
ياااااا مين ... يا مين يقولها

يا بحر لا إنت بتسألها ع اللي باللي
ولا موجة منك بتحكيلها عن احوالي
ولا نسمة تروح تشكيلها عن اللي جراللي
احترت ببرها وتوهت في بحرها
يا مين يقولها القلب حبها
 يااااااااا مين ... يا مين يقولها


كلمات: مأمون الشناوي

والله يا حلو زمان - محمد فوزي

والله والله يا حلو زمان

يا اغلى من روحي بزمان والله

تحت الشباك انا بستناك

والنبي ياجميل تبعت نظرة

دنا ليا زمان والشوق تعبان

احييني الليلة بلاش بكرة

والله والله بقالي زمان .. والله

والله والله يا حلو زمان والله

سافرت بلاد وروحت بلاد

دورت عليك خطوة بخطوة

عشقت كتير وشوفت كتير

مالقتش جمال غيرك يسوا والله

والله والله بقالي زمان .. والله

والله والله يا حلو زمان والله

الورد وحشني على خدودك 

وشفافيك وحشتها ايديك

والغصن وحشني على عودك

ودموعك وحشتها عينيك

والله والله بقالي زمان .. والله

والله والله يا حلو زمان والله

قولي يا قلبي ليه محتار

مش راضي ليه تحب وتختار .. ليه

ايه اللي غير وجداني 

خلاني اكدب رمش العين

يكونش ليا حبيب تاني

طب هو مين واجيبه منين

والله والله بقالي زمان .. والله

والله والله يا حلو زمان والله

هي حياة قلبي هي

فاتن حمامة: هو حبيب روحي هو

ياما قابلتك بخيالي

وانتي الحبيبة الي في بالي

ياما اشتريت حبي ليالي

وانتي الي كان حبك غالي

احبك حب خلاني وهبت الروح لحرمانك

واعاهدك لو يكون ليا امل يوهبلي وجدانك

رموش العين ليلة فرحي

اقيدهم شمع علشانك

هي حياة قلبي هي

فاتن حمامة: هو حبيب روحي هو

والله والله يا حلو زمان

يا اغلى من روحي بزمان والله

كلمات: الشاعر حسين السيد

الحان: محمد فوزي

صعبان عليا - محمد فوزي

صعبان عليا صعبان عليا
مش من زماني وظلمه فياٌ

ولا من حبيبي وغدرُه بيا
 منك يا قلبي ومن عينيا .. صعبان عليا 

يا قلبي ليه بتحن اليه
الخاين اللي ما يطمر فيه

وليه يا عيني بتبكي عليه
وفاكر ايامه ولياليه

حرام يا قلبي حرام يا عيني 
نضيع الايام في آلام

والفرح والنور حوالينا
والدنيا بتنادي علينا

وانت يا قلبي صعبان عليا
عايش بتحلم في دنيا تانية

صعبان عليا

اشمعنى هو قدر ينساني 
وينشغل بحبايب تاني

ولا افتكرني ولا ودعني 
ولا دمعة واحدة بكاها عشاني

انساه يا قلبي انساه وارتاح
انساه كفاية دموع وجراح

الفرح والنور حوالينا 
والدنيا بتنادي علينا

لكن يا عيني صعبان عليا
ازرع مودة تطرح اسيه 

صعبان عليا


كلمات: مرسي جميل عزيز
الحان فوزي

تعب الهوى قلبي - محمد فوزي

تعب الهوى قلبي والحلو مش داري 
ولامتى ح نخبي على بعض ونداري

تعب الهوى .. تعب الهوى قلبي

حبينا ودارينا وليلنا بيطول 
ياريت ما خبينا على بعض من الاول

وصبرنا ما لاقينا الصبر بينول
وقلوبنا وعنينا مش راضيه تتحول

ضيعت ايامي بين شوقي وهيامي
وانام باوهامي واصحى على ناري

تعب الهوى تعب الهوى قلبي

كلمه شايلهاله هي اللي شاغلاني
ياريتني اقولهاله واعيدها من تاني

ياهل ترى في باله والا حينساني
ويميل لعزاله ويفوتني وحداني

مهما يوزعني حبه ملوعني
وحتى لو باعني برضه انا شاري

تعب الهوى تعب الهوى قلبي

من يوم ما كلمته في القلب خبيته 
وفي عيني نيمته وبرمشي غطيته

وبإيدي سلمته الروح وحبيته
من قلبي علمته الصبر وكويته

لا انا قادر احكيله ولا قادر اشكيله
واخاف اناديله لا تبان له اسراري

تعب الهوى تعب الهوى قلبي

كلمات: فتحى قوره

لحن: محمد فوزى