قلبك راح فين - نجاة الصغيرة
قلبك راح فين انا مش لقياه
ولا شفت يومين في الحب معاه
قلبك راح .. راح فين
قربك يسعدني والقرب ما فيش
وقليل توعدني وكتير ما تجيش
ياللي انت حبيبي وخايلني في حبك
دي النار يا حبيبي ولا قسوة قلبك
يا اغلى من العين راح .. راح فين
لوعني هواك ويا ريتني ما شفتك
ظالمني معاك من يوم ما عرفتك
ياما قالوا عليَّا وقالوا عليك
دي الفتنة قاسية والحق عليك
ياللي انت حبيبي وخايلني في حبك
دي النار يا حبيبي ولا قسوة قلبك
يا اغلى من العين راح فين
تهجر وتهاجر والبعد يطول
وتفوتني يا غادر ولا كلمة تقول
يا حبيبي يا قاسي دوبت القلب
يا فايتني وناسي عهدك في الحب
ياللي انت حبيبي وخايلني في حبك
دي النار يا حبيبي ولا قسوة قلبك
يا اغلى من العين راح فين
كلمات: عبد المنعم السباعى
الحان: كمال الطويل