تسلم ايدين اللي اشترى - محمد عبد المطلب

تسلم ايدين اللي اشترى

الدبلتين والاسوره

انا لما دريت من فرحتي جيت

وح اقدم من عندي هديه

دستة مناديل منظرها جميل

مع تحفه من الورد وصيه

وعلى الأرغول .. راح اغني واقول

تسلم ايدين اللي اشترى آه

را ح اجيب عقدين وسبع فساتين

وعشر ورقات حنه وسكر

وح اقيد النور .. في طاقات بنور

حوالين الابواب احمر واخضر

وعلى الأرغول .. راح اغني واقول

تسلم ايدين اللي اشترى آه

اسعد قلبين صبحم عريسين

والسعد منور على بابهم

زغرطوا يا بنات وانتوا يا ستات

فرقوا شربات كتب كتابهم

وعلى الأرغول .. راح اغني واقول

تسلم ايدين اللي اشترى آه

كلمات: عبد اللطيف البسيوني
الحان: محمود كامل

اغاني زمان