سافر مع السلامة - فريد الاطرش

يا خوفي بعده ليطول
وقلبه عني يتحول

مين ليّا بَعده لو ينسى عهده
ويزيد فى بُعده .. يا خوفي بعده ليطول

يا طول عذابي وقسايا
من لوعة البعد الغادر

من بعد ما كان ويايا
فرقنا بحر مالوش اخر

أشتاق اليك وانت معايا
يا سرّ فرحي وهنايا
مين ليّا بَعده لو ينسى عهده
ويزيد فى بُعده .. يا خوفي بعده ليطول

(موال)

لما نويت عالسفر طفيت قناديلي

اخدت روحي معاك ايه اللى باقيلي يا ليل

الا دموع تشتكي منها مناديلي

والسهد والاشجان وطول ليلي

سافر مع السلامة
ترجعلنا بالسلامة

ونشوفك بالسلامة
سافر مع السلامة

اكتب جوابات يا أعز حبيب
وابعت سلامات تطفيلي لهيب

يمكن تطمني وانت بعيد عني

سافر مع السلامة
ونشوفك بالسلامة

مين ليّا بَعده لو ينسى عهده
ويزيد فى بُعده .. يا خوفي بعده ليطول

كلمات: مأمون الشناوى

ألحان: فريد الأطرش

اغاني زمان