جيالك - فايزة احمد
جيالك جيالك انا جيالك .. لعيونك لجمالك
ولعشرتنا الغالية ولايامنا الجاية
ولعشرتنا الغالية ولايامنا الجاية
من بعد جوابك ما وصلني انا سايبة الدنيا وجيالك
وحياتك وغلاوتك وانا بحلف بحياتك
ايامنا وليالينا يا حبيبى وحشوني
وعينيَّا وروح قلبي دول اهلك واخواتك
اسألهم كم مرة في غيابك سألوني
ووصلني مرسالك .. وعرفت اللي في بالك
حسيت ان الفرحة بعتالي وبعتالك
الجنة اتفتحتلي ولقتني جيالك
الجنه اللي في بعدك .. دي النار ارحم منها
مش قادرة استحملها .. ولا قادرة اعيش فيها
والنار اللي في قربك .. هي الجنة بعينها
بتكويني تكويني انا برضه ح اطفيها
انا بكرا افرشهالك .. ورد يكيد عزالك
والدنيا اللي فاتتنا .. بكرا اعوضهالك
بس استنى عليا .. انا طايرة وجيالك
كلمات الشاعر: حسين السيد
الحان الموسيقار: محمد عبد الوهاب