بكرة وبعده - عبد الحليم حافظ
بكرة وبعده بكرة وبعده .. اللي وعدني ح يوفي بوعده
كلها بكرة بس وبعده
أجمل يوم ح يمر عليّا .. بعد يومين ح تشوفه عينيا
والدنيا دي إزاي ح تساعني .. فرحتي أكبر منها شوية
وعلى البعد العين شايفاها .. جاية وجايبة السعد معاها
هما يومين اتنين والقاها ..كلها بكرة .. كلها بكرة بس وبعده
بعد يومين ح يجيني جوابه .. يسعد بيه قلبي وأحبابه
واللي فات من عمري نسيته .. إلا اليوم ده عملت حسابه
ولقيت قلبي اللي بيتمنى .. تايه بين النار والجنة
قلت استنى راح تتهنى .. كلها بكرة بس وبعده
ياللي معادك شاغل بالي .. من دلوقتي وعاش في خيالي
اليومين ح يفوتوا أيام .. والليلتين ح يمروا ليالي
والمواعيد لو هانوا عليه .. أنت ميعادك جوه عينيا
ولا فيش غيره عمل كده فيا .. كلها بكرة .. بس وبعده
كلمات: فتحي قوره
ألحان: منير مراد