لقيتك فين - فايزة احمد
ما فيش في الدنيا حاجة تقدر تبعدني عنك
لا الناس و لا انت حتى تقدر تحرمني منك
لقيتك فين و قالك مين .. تخليني من العاشقين
و كنا اتنين بعاد تايهين .. و دبنا ساعات في غضمة عين
و انا اللي زمان ما كنت بخاف ولا بشتاق
ولا فكرت مرة في لوم ولا فراق
لقيتني ازاي في لحظة بقيت من العشاق
و بحبك يا حبيبي معايا و مش معايا
بحبك ياللي حبي ملوش معاك نهاية
و الحب بان عليا ... يا حبيبي بان عليا ... يا حياتي بان عليا
خلاني أشوف بعينيا يا حبيبي اللي ما شفتوش سنين
غيرني يا حبيبي .. دخلني في دنيا تانية .. نساني كنت مين
انا كنت مين و فين .. قبل ما أشوفك و اقابلك
و ازاي عشت السنين .. ازاي يا حبيبي قبلك
اول مرة اتقابلنا عرفت اني حاحبك
اخر مرة اتقابلنا اكتر مرة بحبك
شوف عينيا تلاقي صورتك في عينيا .. يا عينيا يا عينيا
ياللي حبك من زمان مكتوب عليا .. يا عينيا يا عينيا
و بحبك يا حبيبي معايا و مش معايا
بحبك ياللي حبي ملوش معاك نهاية
يا واخدني معاك ... على فين ما تقولي ... و اكتر من كده ايه
خليتني أدوب .. وياك على طول .. في حنان ما اقدرش عليه
بحبك أه بحبك .. خليتني أحب الدنيا و أحب الناس حواليا
خليتني احب حياتي و اعيش للفرحة الجاية
ياللي واحشني و بتوحشني و انا حتى معاك
ياريت دايما تبقى فاكرني و انا مش وياك
يا مشتاقين للحب حبوا زينا .. اعشقوا اكتر و اكتر ادنا
حبوا تبقى الدنيا دنيا و تعشقوا الليل و القمر
حبوا تبقوا حاجة تانية و تسهروا احلى سهر
اه يا حب و دعوة من قلبي اللي حب
امانة ما تفرقش أبدا عاشقين
اللي غايب هاته تاني .. و اللي خاصم صالحه تاني
عاللي فايته من سنين
اللي حيران طمنه .. و اللي قاسي حننه
و اللي غيران هدي قلبه بكلمتين
يبقوا كل الناس حبايب .. و الهوى في الدنيا دايب
و اعشقوا يا مشتاقين
و بحبك يا حبيبي معايا و مش معايا
بحبك ياللي حبي ملوش معاك نهاية
كلمات: عمر بطيشة
الحان: محمد سلطان