موسيقى انساك
انساك .. ده كلام .. انساك .. يا سلام
اهو ده اللي مش ممكن ابدا .. ولا افكر فيه ابدا
دا مستحيل قلبي يميل ويحب غيرك ابدا
اهو ده اللي مش ممكن ابدا
ولا ليله ولا يوم انا دوقت النوم ايام بعدك
كان قلبك فين وحنانك فين
انا انسى جفاك وعذابي معاك ما انساش حبك
انساك ده كلام .. انساك يا سلام
واحب تاني ليه واعمل في حبك ايه
دا مستحيل قلبي يميل ويحب غيرك ابدا
اهو ده اللي مش ممكن ابدا
كلمات: مأمون الشناوي
ألحان: بليغ حمدي