انا وانت ظلمنا الحب - ام كلثوم
انا وانت ظلمنا الحب بايدينا .. وجينا عليه
وجرحناه لحد ما داب حوالينا
وجرحناه لحد ما داب حوالينا
ما حدش منا كان عايز يكون ارحم من التاني
ولا يضحي عن التاني
ولا يضحي عن التاني
وضاع الحب ضاع
ما بين عند قلب وقلب ... ضاع
ودلوقتي لا انا بنساه
ولا بتنساه ولا بنلقاه .. انا وانت
انا وانت اللي كنا زمان
احب اتنين واحن اتنين
وكان اكبر خصام بينا يدوب في يومين
يا دوب في يومين
خصامنا ليه النوبة دي زاد
وخلّى الخطوه بينَّا بلاد
فرقنا على طريقين
وضاع الحب ضاع
ما بين عند قلب و قلب
ضاع .. ضاع
ودلوقتي لا انا بنساه .. ولا بتنساه ولا بنلقاه
انا وانت .. انا وانت
انا وانت ظلمنا الحب بالغيرة
وجبنا للظنون سيرة
وقطعنا الامل مرات ما بين الشك والحيرة
وكان الحب بينّا كبير
صغر لما ابتدينا نغير
وبردت نار وقادت نار
وبرده مشينا فى التيار
وضاع الحب ضاع
ما بين عند قلب وقلب ... ضاع
ودلوقتي لا انا بنساه .. ولا بتنساه ولا بنلقاه
انا وانت .. انا وانت
انا وانت .. نسينا حتى نتعاتب ونتصارح
وعز عليك تسيب العند وتسامح
وعز عليا اكون البادي واتصالح
واصبح كل يوم بينا
يفوت اصعب من امبارح
نسينا رقة العاشقين
قسينا واحنا مش داريين
نسينا ازاي كده نسينا
وايه ده اللى جرى لينا
وضاع الحب ضاع
ما بين عند قلب وقلب ... ضاع
ودلوقتي لا انا بنساه .. ولا بتنساه ولا بنلقاه
انا وانت .. انا وانت
كلمات: عبد الوهاب محمد
ألحان: بليغ حمدي
