خطابك كتير / حبيبي اهو - شادية
خطابك كتير وقالولى تستاهلى الدهب واللولى
من بين الحبايب واحد بتشاورى عليه وتقولى
حبيبى أهو .. خطيبى أهو
ما فيش غيره ليا ومفيش غيرى له .. أهو ..
حبيبى أهو .. خطيبى أهو
بتفوت الليالى عليكى وخيال الفرح حواليكى
والشوق اللى حير قلبك بيبان له فى ضى عينيكى
مكسوفة تقولى له عليه طب اخرة سكوتك ايه
ويا ريتك يا حلوة تنولى وياه الأمل وتقولى
حبيبى أهو .. خطيبى أهو
ما فيش غيره ليا ومفيش غيرى له .. أهو ..
حبيبى أهو .. خطيبى أهو
على شط البحور والنسمة حوالينا الحياة مبتسمة
وقلوب الحبايب جايه تستنى النصيب والقسمة
يا شقاه اللى عاش وحدانى ويا بخته اللى يلقى التانى
ويقول للأحبة هاتولى شربات الفرح وقولوا لى
حبيبى أهو .. خطيبى أهو
ما فيش غيره ليا ومفيش غيرى له .. أهو ..
حبيبى أهو .. خطيبى أهو