الحلوة - عبد الحليم حافظ
الحلوة الحلوة الحلوة .. برموشها السودا الحلوة
شغلتني ناديتني خدتني .. وديتني بعيد وجابتني
والشوق الشوق غلبني ..الشوق كان ح يدوبني
لولا ضحكتها الحلوة .. وعدتني بحاجات حلوة
الحلوة عينيك يا حبيبي ..
فى عيونك سهرت لياليا .. وطالت ايامي
وفي ضل رموشك وشفايفك .. غنت أحلامي
وعشانك صحيت افراحي .. ورقصت قدامي
وشبابي لقيته فى شبابك .. ولقيت روحي
سهرانه بترقص على بابك .. يا حياة روحي ..
والشوق الشوق غلبني ..الشوق كان ح يدوبني
لولا ضحكتها الحلوة .. وعدتني بحاجات حلوة
الحلوة عينيك يا حبيبي ..
باليوم والساعة والثانية .. أنا فاكر فاكر يا حبيبي
اول مرة قابلتك فيها .. اول كلمة ناديتلك بيها
اول مرة أقول يا حبيبي .. يا حبيبي وحاسس معانيها
فى عينيك حسيت بالحب .. وعرفت بيجي منين
وازاى بيدفي القلب .. وازاى بيصحي العين
وشبابى لقيته فى شبابك .. ولقيت روحي
سهرانه بترقص على بابك .. يا حياة روحي ..
والشوق الشوق غلبني ..الشوق كان ح يدوبني
لولا ضحكتها الحلوة .. وعدتني بحاجات حلوة
الحلوة عينيك يا حبيبي ..
كلمات: مرسى جميل عزيز
ألحان: كمال الطويل
