هلت ليالي - فريد الاطرش
هلت ليالي حلوه وهنية ليالي رايحة وليالي جاية
فيها التجلى دايم تملى ونورها ساطع من العلالي
هلت ليالي هلت ليالي
ليالي حلوة نشتاق اليها وفيها ليلة الله عليها
القدر فيها الله اكبر اوعدنا بيها الله اكبر
ويا ربي توبة فى العمر نوبة وتكون قريبة تسعد أمالي
هلت ليالي هلت ليالي
فى كل لحظة اقول يا ربى انت اللى اسمك يسر قلبي
على جمالك الله اكبر على جلالك الله اكبر
كل التمني لو ترضى عني واعيش مهني ولا أبالي
هلت ليالي هلت ليالي
فى نور جمالك اللى تجلى أعيادنا هلت مع الاهلة
فرحة ومسرة الله أكبر على امة حرة الله أكبر
وياربي زدنا وخد بإيدنا
واحفظ بلادنا اليوم وبكره
كلمات: بيرم التونسى
ألحان: فريد الأطرش
