حاقولك حاجة اسمعها - وردة الجزائرية
حاقولك حاجة اسمعها وفكر فيها وانساها
وقبل ما تنسى رجعها وهات الرد وياها "بحبك"
كتير من قبلى قالوها .. وليل ونهار يعيدوها
وفضلوا سنين يغنوها .. وانت ولا انت على بالك
محدش يوم شغل يومك .. وعمر الليل ما شاف نومك
ومهما رجعوا وقالولك .. محدش زيي قالها لك
واديني بقولها اسمعها .. وهات الرد وياها "بحبك"
بقالي زمان وانا خايفه .. وعايزه اقولها مش عارفه
واقولها ازاى وانا شايفه .. زحام الشوق على بابك
اتاري قلبك الخالي .. بيشبه ف الهوا حالي
ساعتها قلت انا ف بالي .. ما روحش انا ليه واقولهالك
واديني بقولها اسمعها .. وهات الرد وياها "بحبك"
يا خوفى لو يطول وجدي .. واكون ببني الامل وحدي
وانا اللي الشوق على قلبي .. كتبهالي وكتبهالك
دي كلمه وانت جواها .. سقاها الشوق ورواها
تعالى نعيش ف معناها .. هنا قلبي وراحة بالك
واديني بقولها اسمعها .. وهات الرد وياها "بحبك"
كلمات: حسين السيد
الحان: رياض السنباطى