امل حياتي - ام كلثوم
أمل حياتي .. يا حب غالي ما ينتهيش
يا أحلى غنوه سمعها قلبي ولا تتنسيش
خد عمري كله .. بس النهارده خليني اعيش
خليني جنبك خليني .. خليني
في حضن قلبك خليني .. خليني
وسيبني أحلم .. سيبني
يا ريت زماني ما يصحنيش
املي .. حياتي .. عينيا
يا أغلى مني يا اغلى مني عليا
يا حبيب امبارح وحبيبي دلوقتي
يا حبيبي لبكره ولأخر وقتي
احكيلي .. قوللي
أيه من الأماني ناقصني تاني وانا بين ايديك
عمري ما دقت حنان في حياتي زي حنانك
ولا حبيت يا حبيبي حياتي إلا عشانك
وقابلت آمالي .. وقابلت الدنيا .. وقابلت الحب
أول ما قابلتك واديتك قلبي .. يا حياة القلب
أكثر م الفرح ده ما احملش
أكثر من اللي انا فيه ما اطلبش
بعد هنايا معاك يا حبيبي .. لو راح عمري
لو راح عمري .. أنا .. أنا ما أندمش
وكفاية أصحى على شفايفك بتقوللي عيشي
أسمعها غنوة .. تقول لحبي ما ينتهيش
خليني .. جنبك .. خليني
في حضن قلبك .. خليني
وسيبني أحلم .. سيبني
ياريت زماني ما يصحنيش
ياللي حبك خلى كل الدنيا حب
ياللي قربك صحى عمر وصحى قلب
وانت معايا يصعب عليا
رمشة عينيا ولا حتى ثانية
يصعب عليا ليغيب جمالك
ويغيب دلالك ولو شوية
قد كده بشتاق إليك
قد كده ملهوف عليك
نفسي أندهلك بكلمه
ما تقالتش لحد تاني
كلمه قد هواك ده كله
قد أشواقي وحناني
كلمة زيك .. واللي زيك فين
ده أنت زيك ما اتخلقش اتنين
يا حبيبي مهما طال عمري
معاك برده أيامه قليلة
دي السعادة والحنان في هواك
ما تقضيهاش أجيال طويله
حبك يا حبيبي ملى قلبي وفكري
بينور ليلي ويطول عمري
بيزيد.. بيزيد في غلاوته دايماً بيزيد
وتملي جديد في حلاوته وتمللي جديد
إنت خليتني أعيش الحب وياك ألف حب
كل نظره إليك بحبك من جديد .. وأفضل احب
أنا حبيت في عنيك الدنيا كل الدنيا
حتى عوازلي أو حسادي
كل الناس حلوين في عينيا حلوين
طول ما عينيا شايفه الدنيا وانت قصادي
وأنام وأصحى على شفايفك بتقوللي عيشي
أسمعها غنوه تقول لحبي ما تنتهيش
خليني جنبك خليني .. في حضن قلبك خليني
وسيبني أحلم .. ياريت زماني ما يصحنيش
كلمات: أحمد شفيق كامل
ألحان: محمد عبد الوهاب